كيفيه استخدام برنامج فارما فلاى شرح شامل من البدايه للنهايه
ماهو برنامج فارما فلاى
هو برنامج بتستخدم الصيدليات لتسجيل المبيعات وارصد الصيدليه وادخال الفواتير ومعرفه حركه المشتريات
اسهل برنامج ممكن الصيدليه تتعامل بيه ومن افضل البرامج استخداما وسهل الاستخدام
استخدام البرنامج
ده شكل الصفحه الرئيسيه للبرنامج وهنبدا نشرح استخدامه مع الصور
تسجيل المبيعات
تسجيل مرتجعات
C. اختصار لكلمه cash
تسجيل فاتوره مشتريات
لتسجيل فاتوره مشتريات بدوس علي Ctrl+P عشان الادويه يبقي ليها رصيد علي الجهاز عندك بحيث انك لما تعمل search تلاقي الدوا او لا بدوس علي كلمه جديد عشان تبدا تدخل الفاتوره
كيفيه ادخال الفواتير او الطلبيات
دلوقتي هنعرف الخطوات ازاي اننا ندخل فاتوره1_هتلاقي علي الفاتوره من فوق مكتوب رقم الفاتوره فا حضرتك بتكتبو عند اول خانه
2_تاريخ الفاتوره بيتكتب لوحدو من البرنامج اول لما بدوس enter
3_بتختار المورد الي انت جبت منو الدوا مثلا زي (ucp_ibn sina_pharmaoversic ) وشركات كتير جدا او مخازن
4_بدخل الدوا بالباركود علي الجهاز او بدوس enter وتكتب اسم الدوا
5_بدخل الكميه الي عندك في الفاتوره
6_بدخل الخصم الاساسي وده بيبقي موجود في الفاتوره بردو وده مكسبك من الدوا
7_ بعد كده بدخل تاريخ انتهاء الصلاحيه
بعد لما بتخلص بتختار حفظ الفاتوره
البحث عن صنف
للبحث عن صنف بتختار Ctrl+I وبتكتب الصنف الي انت بدور عليه وبيظهرلك الكميه الموجوده الي عندك ودي اسهل طريقه بحث
تسجيل صنف جديد
لو مثلا جبت صنف جديد وانت مش لاقيه عندك علي الجهاز بتختار من Ctrl+I1_ جديد
2_ بتكتب اسم الصنف
3_بتختار نوعه اقراص او شرب او حقن
واسم الشركه
4_لو اقراص بتكتب العلبه فيها كام شريط
5_سعر الجمهور الي انت بتبيع بيه
6_الخصم الاساسي الي جيلك بيه
تسليم الشيفت
لما تيجي تقفل الشيفت عشان غيرك يستلم بتختار Ctrl_D وبتكتب الفلوس الي عندك و enter
متابعه المبيعات
متابعه مبيعات صنف
لمتابعه مبيعات صنف معين
1_ بتحدد خانه متابعه صنف محدد
2_ بتكتب اسم الصنف وممكن تكتب سعره وبعد كده بدوس بحث
تقرير النواقص
تقرير النواقص بيجبلك بالتفصيل الدوا موجود قد ايه وخلص او لا
تقرير جميع الفواتير الي علي السيستم
تقرير لمتابعه كل الفواتير الي دخلت علي الجهاز
1_بتختار خانه تقارير وبعد كده بتختار تقارير المشتريات
2_ بتختار الشركه الي انت محتاج تعرف الفواتير بتاعتها
وبتكتب المده الي انت محتاجه تعرف الفاوتير فيها قد ايه دخل والاجمالي بتاعهم كان كام وايه الي دخل بالظبط وبعد كده بدوس enter
للمبيعات السريعه شامبو او برشام مسكن او بلاستر
بتختار علامه (*) وبتحدد الي انت عاوزه وبدوس enter
يارب يكون الشرح عجبكم واستفادتو منو
Momen mohamed
تعليقات
إرسال تعليق